By Nahulihan ang dalawang estudyante sa Junior High School ng mga pellet gun sa labas ng isang paaralan sa Zamboanga City. Paliwanag nila, pandepensa lamang nila ito sa mga namamaril nito sa labas ng kanilang paaralan.
Sa ulat ng Balitanghali nitong Huwebes, mapanonood sa video na hawak ng isang estudyante na nasa labas ng school fence ang dalawang pellet gun, bago tinawag ang kaniyang kasama mula sa loob para ipasok ang pellet gun.
Isinumbong sila ng kapwa estudyante sa pamunuan ng paaralan, kaya nakumpiska ang mga pellet gun, Ayon sa Grade 7 at 8 na mga mag-aaral, pangdepensa lamang nila ang pellet gun mula sa mga namamaril nito na tambay sa labas ng eskuwelahan.
